FRÁ SENDARA TIL MÓTTAKARA
FRAKT MILLUM DANMARK OG FØROYAR
Skalt tú senda ein pakka, ein platt ella flytigóðs? Safari hjálpir við flutningi millum Danmark og Føroyar, frá innheinting og tollavgreiðslu til levering. Sig okkum, hvat tú skalt senda, so finna vit eina hóskandi loysn.
FRÁ FYRISPURNINGI TIL LEVERING
SOLEIÐIS GERA VIT
- 01
GREIÐ OKKUM FRÁ SENDINGINI
Send eina lýsing av góðsinum, mát, vekt og adressurnar, har tað skal heintast og leverast. Sig eisini, nær tú hevur tørv á flutninginum.
- 02
FÁ VEGLEIÐING OG TILBOÐ
Vit kanna flutningsmøguleikarnar og siga tær, hvørjar upplýsingar vit hava tørv á til flutning og tollavgreiðslu.
- 03
VIT SKIPA FYRI FLUTNINGINUM
Tá ið avtalan er gjørd og góðsið er pakkað, skipa vit fyri flutningi, innheinting og levering eftir avtaluni.
EITT STAÐ AT VENDA TÆR TIL
RÆTTI FLUTNINGURIN TIL TÍTT GÓÐS
Flutningshátturin veldst um, hvat tú sendir, hvussu nógv pláss tað tekur, og hvussu skjótt tað skal fram. Sjófrakt er ofta ein góð loysn til plattar og størri sendingar, meðan flogfrakt kann vera ein møguleiki, tá ið tíðin hevur týdning.
Vit hjálpa við sendingum báðar vegir millum Danmark og Føroyar. Tær nýtist ikki at velja flutningshátt frammanundan – send okkum upplýsingarnar, so tosa vit um møguleikarnar.
GOTT AT VITA
OFTA SETTIR SPURNINGAR
Hvat kostar frakt millum Danmark og Føroyar?
Prísurin veldst um innihald, tal á pakkum, mát og vekt umframt leið, flutningshátt, innheinting og levering. Send okkum upplýsingarnar, so kunnu vit gera eina prísmeting.
Hvussu langa tíð tekur flutningurin?
Flutningstíðin veldst um flutningshátt, fráferðir, adressur og tollavgreiðslu. Sig okkum, nær góðsið er klárt, og nær tað skal vera frammi, so kunnu vit kanna møguleikarnar. Hevur tú eina sending, sum hevur skund, kanst tú ringja á +298 22 22 22.
Kunnu tit heinta og levera við hurðina?
Vit kunnu hjálpa við innheinting og levering. Upplýs neyvu adressurnar og sig frá, um atgongdin er avmarkað, so vit kunnu avtala, hvussu góðsið skal heintast og leverast.
Hjálpa tit við tollavgreiðslu?
Ja. Safari hjálpir við tollavgreiðslu og vegleiðir um upplýsingarnar og skjølini, sum eru neyðug til tína sending. Sig okkum, hvat tú sendir, og um talan er um keyptar vørur, flytigóðs ella eina aðra sending.
Kann eg brúka Safari, tá eg keypi hjá IKEA ella í einum nethandli?
Ja. Tú kanst brúka innlatingarstaðin hjá Safari í Danmark, um handilin kann levera vøruna hagar. Send okkum ordraváttanina ella rokningina, so hjálpa vit tær víðari. Rokningin frá handlinum skal brúkast til tollavgreiðsluna. Finn adressuna og vegleiðingina á okkara síðu um IKEA og nethandlar.
Kunnu tit eisini senda úr Føroyum til Danmarkar?
Ja. Vit hjálpa við flutningi báðar vegir. Sig okkum, hvat tú vilt senda, hvar tað skal heintast og leverast, og nær tú hevur tørv á flutninginum.